حماك الله من الغربان

مجدي إبراهيم محرم

حماك الله من الغربان

يا ساقيتنا 00و يا غيطنا
همومنا كلنا إحنـــــا
و كل الهم و المحنه
دخول الغرب و الأوساخ
على وحدتنا و عيلتنـــا
يا ساكن أرضنا و بيتنا
وعايـــــز تلغي عزوتنا
يا ماصص دمنا و قوتنا
قعادك هوا دا موتنا
رغيفك إحنا كرهينه
دقيقك إحنا تركينـــه
لباسك إحنا فايتينــه
حريرك يا سليــل الديب
حرام لبسه
وشهدك مهما كان حلوه
حرام أكلــه
و مهما الفقر غطاني
ممدش إيدي من تاني
تأكلنا عشــــان تسحــب رقابينا
و تسكرنا عشان ننسى أسامينا
دا عمر الضبع ما يبقى لغير ابنــــه
و عمر الكلب ما يوفي لغير صاحبه
يا مصر يا جنة الدنيا
مقشه تمحي أغرابـك
و يبقي شهدنا ترابـك
و نيلك هوا دا إسمي
و هرمك هوا دا رسمي
و جيلك هوا دا العنــوان
على اني أنا المصــــري
سليل العزه و القــــــوة
و أصل إيماني من جوه
و مش مصلوب على جدارك
و مش تايه على دارك
و شايل فوق كفوف إيدي
أصالة أهلي و أجــــــدادي
نهارك هو راسمالـــي
و خيرك هوا دا عيالي
بنشرب من عرق ابنك
و فوق صنعتنا يبقى اسمك
يا مصر يا غنوة الإنســــان
حمـــاك الله من الغربـــــــان

almaged@gawab.com magdymoharem@hotmail.com
الموقع الإلكتروني:
http://www.magdymoharem.net.tc/