تبقى إيه كلمة وطن ؟!!!

مجدي إبراهيم محرم

تبقى إيه كلمة وطن ؟!!!

لما السكات يملى القاعات
لما الكلام يبقى شعارات
لما يبقى الصمت لعبــــة

ويّا شايلين الدانــــــــــات
لما يبقى الرد كلمـــــــــة
ويّا ألف إستنكـــــــارات
تبقى إيه كلمة وطــــــــن
ياللي شايلين الكفـــــــــن ؟!!!!

**************************
لما شفت الليل معرش فوق حيطان البيت بتاعنه
والمغفل صار بيضحك عالقرايب والجيــــــران
والمغفل حط إيدو ويّا ألف من الغيـــــــــــــلان
قمت أصرخ
دم أخويا عمرو ما يبقى كـــــــــلام
دم أخويا عُمرو ما يعدي بســـــــلام
إتفجرت في جوا قلبي دمعتيـــــــن
إتفجرت في جوا صدري صرختين
والأغانـــــــــــي
صارت في جوايا كما الميتـــــــــم
جوا بيتنا ألف ديبـــــــــــب
والقريب أصبح غريــــــب
رحت أصرخ يا بلدنــــــــا
رحت أصرخ يا شبابنــــــا
الإيد في كتف الإيـــــــــــد
والخطو فوق الخطـــــــــو
والصوت على جناح اللي قبلـــــــــــــــــه
لو تمـــــــــوت
يطلع بدالك ألف صــــــوت
رحت أصرخ يابلدنــــــــــا
إوعي تظني إن الخنوع والمذلــــــــــــــــه
كلمه يرغبها ياسيـــــــــــــن
إوعي تظني إن الخيانة والمعــــــــــــــــره
نغمه يحضنها ياسيــــــــــن
فاكرا يا اما دير ياسيـــــــن
والاصابرا 00
وإنتي صابره عا لمغفــــــل
ميت مغفل راح يباركوا لليهــــــــود
ميت مغفل راح يباركوا لليهــــــــود
الإســــــــود00
اللي ضربوا ألف مليون عا لقفــــــــا
اللي نزعوا ألف مليون شـــــــــــرف

إمتا ننهض يا بلدنــــــا
بعد ما يروح الوطــــن
بعد ما يبقى كفـــــــــن
يا شباب بيتنا اللي ضاع
يا رجـــــــــــــــال00
كل الصراع محصور في إيد العصبجية
كل الصراع محصور في إيد العصبجية
اللي سجنوا صوت بهية
اللي سرقوا خير بهيـــة
اللي شنقوا ميت صبية جوا قضبان الحديد

*********************
والقضيـــــــــــــــة00
القضية إن خاطر يوم ما مـــــــات
كنا كل البيت بنــــــات
كنا كل البيت عيــــــال
كنا كل البيــــــت ورق
فين رجالك يا بلدنــــــا
فين ولادنـــــا

يـــــــــــــــا مصـــــــــــــر شُقي الصخور
وصحصحـي كل القبور
مدي دراعك عالشطــوط
وإمنعي لسان الكـــــلاب
إتمددي فوق كل ناســـك
وإرفعي إسمك وراســك
يا صابرا يا أم الإ نتظــار
يا أم الخدود تحت الجبين
مكتوب عليهم الإنتصــار
يا أم الأسامي الحلـــــــوه

يا أم أدهم 00
يا أم خالد00 شايل على كِتفوالسلاح
مستني حي على الفـــــــــــــــــلاح
ياأم خاطر 00
ألف خاطر بيناديكي
من بين إدين الشقيانين
من بين إدين العرقانين
من كل إيد متعطـــــرا
بالحنه والشوق والحنين
فين إيديكي
والا نظرة من عنيكي
إنسحبتي ليه يا حلوه ؟
إنسحبتي ليه يا حلوه ؟
السفاين بعد منك مش هتمشــــــــــــي
والمدافع بعد منك مش هتضــــــــــوي
ليه تركتيهم يبيعــــوا ؟
ليه تركتيهم يبيعــــوا ؟
لما السكات يملى القاعات
لما الكلام يبقى شعـارات
لما يبقى الصمت لعبـــــة
ويّا شايلين الدانـــــــــــات
لما يبقى الرد كلمه
ويّا ألف إستنكارات
تبقى إيه كلمة وطن
ياللي شايلين الكفـن
ياللي شايلين الكفـن؟!!!!

مجدي إبراهيم محرم
magdymoharem@hotmail.com
almaged@gawab.com
الموقع الإلكتروني:
http://magdymoharem.jeeran.com/index.html