مقالات مجدي إبراهيم محرم

خدلك صور يا باشا يا بيه !!!!

مجدي إبراهيم محرم

خدلك صورة يا باشا يا بيــــــه
قبل ما تبقى بخمسة جنيـــــــــه
خدلك صورة مع البهــــــــوات
البيه أحمد والا كمــــــــــــال
والا البيه أبو رأس المـــــــــال
دا كمال باشا تخين وملظلـــــظ
داهن شعره بزيت ومألـــــــوظ
سيد المجلــــــــس
قبل ما تجلـــــــس
تعرف تسكت ؟ تعرف تحبس ؟
تبقى حبيــــب الكــــــل يابسبس
خدلك صورة يا باشا يا بيــــــــه
قبل ما تبقى بخمسه جنيـــــــــــه

**********

سقف سقف
قول اُوكيه
والا تنام 00 تبقى تمام
صورة سونة وعزرا والى
صورة طفح من المجاري
رحمة الله عالمحجــــــــوب
ترك الشعب بياكل طـــــوب
والا سرور 00 عيش مسرور
اسكت اسكت
خلي كلامك عالمستــــور
أصل يقولوا إنك مقبـــور
وكمان هارب م التجنيــد
ييجوا يحطوا إيديك فِ حديد
خدلك صورة يا باشا يا بيه
قبل ما تبقى بخمسة جنيــه

******

وســـــع وســــــع
لجمال باشــــــــــا
إوعى لسيد الكل جمــال
إوعى و بطل لعب عيال
دي أمريكا00 أصل ياويكــــا
عايزين بس لطولة بــــــــــال
دورة كمـــــان
والا إتنيـــــــن
سقف سقف بالإتنين
خدلك صورة يا باشا يا بيه
قبل ما تبقى بخمسه جنيــه

*****

دور 00دور00
عالخايبين
تلقى حبيبنا بهاء الديـــــــن
تعليمه زفت وزي الطيـــن
فين القدس وفين الديـــــــن
درس خصوصي
على كام واسطة
تصبح دايما م الناجحيــــن
خدلك صورة يا باشا يا بيه
قبل ما تبقى بخمسة جنيــه
مصر دي كانت فوق الراس
وبتنباس
شوف دي الوقتِ
ياعيني عليها
دي بتنداس
م الحرمية والأنجاس
الحراميه عاملين شُرفا
وولاد ناس
و إنت يا موسى
قول ماتخــــاف
دا إنت كلامك زي الفــاس
خدلك صورة يا باشا يا بيه
قبل ما تبقى بخمسة جنيــه

******

صوّر 00 صوّر
وتعــالى بــص
دا الإعلام على واحدة ونص
و الفضائية ميه الميه
ناس بتهز
وناس بتبص
بص لصفوت و الا فاروق
عمّر راسك يالــــلا وروق
إوعى تقول إنك مزنـــــوق
إحلق دقنك قبل ما تدخــــل
إركب 00 إركب 00 ياللا وسوق
و الطنطاوي حبيب الكل
دايما دايما زي الفل
ماشي معانا
مَ يقول لأ
عمره ماقالنا
كلمة حـــــق
خدلك صورة يا باشا يا بيه
قبل ما تبقى بخمسة جنيـه

*****

وانت يا شعب يا مصري يا نايم
خليك نايم
موش بيكفي إنك صايم
ويّا جنيهك دايما عايــم
عايم بس على الغلبــان
عايم بس على الشقيـان
أما دولار الباشا البيــه
صار الميه بألف جنيـه
خدلك صورة يا باشا يا بيه
قبل ما تبقى بخمسة جنـيــه

******


يا منصورة قومي قومـــي
واصحي من نومك ونومي
اطردي صهيون من أرضك
اطردي الكلاب من أرضــك
صوني يا منصورة عِرضـك
صورة صورة يا منـصــورة
حكومتنا ليه مقـهـــــــــــورة
خدلك صورة يا باشا يا بـيــه
قبل ما تبقى بخمسة جنيـــــه
قبل ماتبقى بخمسة جنـيــــــه

مجدي إبراهيم محرم
magdymoharem@hotmail.com
almaged@gawab.com
الموقع الإلكتروني:
http://magdymoharem.jeeran.com/index.html